شباب فى حوار

زائرنا الحبيب نتشرف بزيارتك ويسعدنا اشتراكك معانا فى منتدنا

منتدى الشباب


    هل حققت ايا من اهدافك من ساعة ما اتولدت لحد دلوقتى

    شاطر
    avatar
    اسيرة الصمت

    عدد المساهمات : 422
    السٌّمعَة : 50
    تاريخ التسجيل : 14/04/2010
    الموقع : شباب فى حوار

    هل حققت ايا من اهدافك من ساعة ما اتولدت لحد دلوقتى

    مُساهمة من طرف اسيرة الصمت في الجمعة يونيو 18, 2010 2:00 pm

    اخواتى الحبيبات لقلبى
    السلام عليكم ورحمة الله وبركاته
    الحقيقة انا مش ببطل تفكير فى المسجد الاقصى وازاى هيتحرروامتى
    وفلسطين ككل امتى يا ترى هتتملى باهلها ويبقى سهل الدخول فيها زى السعودية كده
    وامتى اسرائيل هتنتهى ويبقى ماضى سئ وانتهى
    انا بحس انى مكسورة من جوايا لانى مهزومة ورقبتى فى ايد عدوى
    مش عارفة هاقف فين يوم الدين وهيكون موقفى ايه كمسلمة
    باحس بالانكسار والحسرة لما بشوف الدول الاجنبية اللى كانت تحت الحكم الاسلامى
    ودلوقتى مفيش حد فيها بيوحد الله الا القليل ان وجد بعد ما كان الاذان بيجلجل فى كل شبر منها
    ببقى متضايقة لما اشوف اى حد غربى وهو جاى بلادنا علشان يعربد فيها بفلوسةواحنا معظمنا مش لاقى ياكل عيش حاف
    وبتقهر لما اسمع اننا بنشحت وبتقهر اكتر لما اعرف اننا ممكن نستغنى عنهم
    حاجات كتيرة اوى مخليانى حزينة فى حياتى ومش رايقة ومش عارفة اضحك من قلبى
    دايما حاسة انى مجروحة جرح كبير اوى اوى مؤلم وعميق
    بزعل اوى لما اعرف ان فى ناس متعرفش حاجة اسمها الاسلام ولا عمرهم سمعوا عنه
    بحزن لما امشى فى الشارع والاقى شباب يملى العين واقف على النواصى ومفيش حاجة شاغلة دماغهم الا شهواتهم
    ولو مرت بنت لابسة ومش لابسة شوفى بقى ايه اللى بيحصل
    ولما بمر على الكافيهات والاقيها مكتظة علشان الماتشات
    قلبى بيتعصر علشان مش بلاقى حد كتير حاسس باللى جوايا اقدر احكى له همى ويحس باللى فيه
    زهقت من الانتظار وبقول لنفسى لحد امتى هفضل مستنية المنقذ اللى هينزل علينا ببارشوت ويكسر انف كل الظلمة اللى فى الدنيا
    لحد امتى هفضل حابسة دموعى علشان اقنع نفسى انى قوية وانى فوق كل الناس اللى فى الدنيا وانى مكرمة بدينى ورسالتى
    وابص على النساء اللى بيتهانوا فى فلسطين وفى العراق وافغانستان وكل الدنيا
    ساعته ببكى بحرقة وبحس ان الالم بيعصرنى من جوا وادارى دموعى عن ابنى علشان عايزة احكى له عن مجد اجداده لما يكبر
    واكون قدامة رافعة راسى وحاسة بعزة
    كتير بتيجى نشرة الاخبار وانا فى تجمعات عائلية وبيكون فيها اخبار تقطع القلب بس بحس كان الناس مش شايفة
    او ان المسلمين دول مش مش تبعهم ونسينا لما المسلمة قالت وامعتصماه قامت ليها جيوش المسلمين علشان صرخة
    انا خلاص قررت اركز على نفسى وبجد ومن غير مهاودة هركز فى اهدافى وهحط لها حد زمنى وهفش غليلى فى نفسى
    اكيد مش هبطل اتكلم وافكر حبايبى اللى ليه فى الدنيا بالهم التقيل اللى احنا غالبا غافلين عنه
    بس انا اتكلمت كتير اوى ومش هقضى حياتى كده
    لو كلنا حققنا اهدافنا اكيد واقعنا هيتغير مش هنفضل طول عمرنا كده
    بكره اللى بحلم بيه مش هييجى من غير تعب وتفكير وتخطيط وانجاز
    انا كان عندى اهداف فى منها حققته بفضل الله وفى منها بسعى لتحقيقه
    وفى اهداف هبدا احطها لانى كنت منتظرة حد غيرى يعملها بس كل اللى هقدر اعمله هاعمله ومش هاستنى اشوفه من غيرى
    انا طولت عليكم اوى انا بعتذر لكم بس منتظرة منكم تقولوا لى حد فيكم حقق اى هدف ايا كان ونجح فى تحقيقه
    حد يقول لى ان فى امل
    حد يشاركنى فى جرحى بالفعل مش بالكلام
    avatar
    عاشقة الاسلام

    عدد المساهمات : 846
    السٌّمعَة : 50
    تاريخ التسجيل : 06/04/2010

    رد: هل حققت ايا من اهدافك من ساعة ما اتولدت لحد دلوقتى

    مُساهمة من طرف عاشقة الاسلام في الجمعة يونيو 18, 2010 2:08 pm

    بجد موضوع جميل اوى واثر فيا يمكن فى ناس كتير ماعندهاش اهداف بتجرى لتحققها وعشان كدا احنا متاخرين اما عن نفسى فانا الحمد لله ليا اهدافى واحلامى وطموحاتى الى بجرى وراها عشان احققها وفى حاجات انا قدرت احققها والحمد لله ولسه فى حاجات متححقتشى وهحاول ع قد ما اقدر انى احققها باذن الله يا ريت كل الناس تسمع ندائك ليهم وتسمع ندائى ونداء كل فلسطينى
    avatar
    اسيرة الصمت

    عدد المساهمات : 422
    السٌّمعَة : 50
    تاريخ التسجيل : 14/04/2010
    الموقع : شباب فى حوار

    رد: هل حققت ايا من اهدافك من ساعة ما اتولدت لحد دلوقتى

    مُساهمة من طرف اسيرة الصمت في الجمعة يونيو 18, 2010 2:46 pm


      الوقت/التاريخ الآن هو الأربعاء سبتمبر 20, 2017 8:34 am