شباب فى حوار

زائرنا الحبيب نتشرف بزيارتك ويسعدنا اشتراكك معانا فى منتدنا

منتدى الشباب


    شبيك لبيك

    شاطر
    avatar
    فتاه بنص عقل

    عدد المساهمات : 915
    السٌّمعَة : 50
    تاريخ التسجيل : 06/04/2010
    العمر : 22
    الموقع : منتدى شباب فى حوار

    شبيك لبيك

    مُساهمة من طرف فتاه بنص عقل في الإثنين مايو 03, 2010 6:20 am

    شُبيك لُبيك





    لقيت الفانوس مرة ودعكته طلعلى عفريت قاللى شبيك لبيك


    قلت خلاص الذل أنا ودعته ويا عفريت بالطلبات هاهريك


    قالى هأوأو يا إنسان دانا العفريت بن الجان


    ما يهمنيش مكان وزمان واطلب وعندى البرهان


    قلتله عاوز قمح زُرع فى مصر ومسؤولين يبطلوا فشر


    وحكومة متعصرنيش عصر ومرتب يسترنى لآخر الشهر


    وعاوز عيش بدون طوابير وحكومة ضد التبذير


    وانتخابات من غير تزوير ورئيس سابق أشوفه كتير


    وعاوز فى بيتى كيلو دقيق وسبب مقنع لأى حريق


    ومجلس شعب بدون تصفيق وفى كأس العالم لينا فريق


    وعاوز أزور شرم الشيخ وصباعين كفتة اللى فى السيخ


    وأشرب مرة عصير بطيخ وأخرج من القسم بدون تلطيخ


    ونفسى الضحكة ترجع تانى وحتة لحمة كندوز أو ضانى


    وجنيه مصرى زى البرانى ورصيف للمشى أنا وخلاّنى


    رد العفريت عليا بغشم وقال يا مصرى ماكنش العشم


    بص.. أنا ممكن أنقلك الهرم واسدلك الأوزون اللى اتخرم


    وأرجعلك الأكل اللى اتهضم وأعملك بقرة من الغنم


    وأعملك قصر من العدم وأقولك معنى شرم برم


    بس طلباتك طلبات ملموس عقله خلاص أكله السوس


    ده تخطيط يا بنى ومدروس إنك تعيش على طول موكوس


    وأحنا بناخد منكوا دروس إزاى نخلى العفريت متعوس


    ويا رب ترجعنى تانى الفانوس وزى بعضه أعيش محبوس


    بدل ما أخرج واتبهدل زيك وأعيش موكوس على متعوس


    التوقيع
    [ندعوك للتسجيل في المنتدى أو التعريف بنفسك لمعاينة هذا الرابط]
    avatar
    دموع القلب

    عدد المساهمات : 562
    السٌّمعَة : 1
    تاريخ التسجيل : 30/07/2009
    العمر : 22

    رد: شبيك لبيك

    مُساهمة من طرف دموع القلب في الإثنين مايو 03, 2010 6:56 am

    شكرا يا عسل


    التوقيع
    مهما عظم كبرياؤك ايها القلب فلابد ان تنحنى لمن تحب

    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]
    avatar
    عاشقة الاسلام

    عدد المساهمات : 846
    السٌّمعَة : 50
    تاريخ التسجيل : 06/04/2010

    رد: شبيك لبيك

    مُساهمة من طرف عاشقة الاسلام في الإثنين مايو 03, 2010 8:29 am

    هههههههههه
    موضوع جميل

      الوقت/التاريخ الآن هو الإثنين أكتوبر 16, 2017 11:52 pm